好多人飲完牛奶或食完奶制品，都會覺得身體有唔舒服，有啲會肚脹、或者會有輕瀉。本身我都不以為已，次次飲完有加奶嘅咖啡，個肚總會覺得唔舒服同想去洗手間，後來做咗Circle DNA Test之後，證實我係有乳糖不耐症，終於真相大白點解我飲親咖啡加牛奶就中招，飲齋啡就無事！
究竟咩野係乳糖不耐？
牛奶及奶製品中含有一種名叫乳糖的天然糖分，而腸道內有乳糖酶的消化酵素，可以將乳糖分解為葡萄糖及半乳糖後再比身體吸收。有好多人亦會因為不同原因，導致身體無足夠或完全無乳糖酶，令到佢無法正常分解乳糖，從而引起腹氣、腹脹、腹部抽痛或肚瀉。
雖然我慣咗飲齋啡，但我都鍾意飲Cappuccino，所以我開始留意多咗植物奶。年幾前oatly燕麥奶響香港launch咗，我都好鐘意買嚟沖咖啡，用oatly嘅燕麥奶嚟打奶泡，啲泡真係好綿密、好幼細，不過睇睇成份其實佢嘅糖份真係幾高，但當時無乜選擇，所以我都keep住有買！
後來到舊年另一款專出杏仁奶嘅品牌Califia Farms出咗燕麥奶，咁又買嚟試吓，打出嚟嘅泡都幾好，再細睇成份，Califia嘅燕麥奶嘅糖份比oatly低，而且味道亦都無oatly咁甜，用嚟沖咖啡更加可以飲到咖啡嘅原味，相對地都會健康啲。
尋日出街去咗%Arabica飲咖啡（係～我知，今個星期最hit係擺花街開咗blue bottle，應該要去朝聖飲返杯，但條龍真係長到我無本事排囉😅）首先%Arabica有植物奶選擇，佢地燕麥奶係用oatly，而杏仁奶係用Califia，我到最後都係揀咗Califia杏仁奶嚟沖嘅Cappuccino ，話晒糖份低啲健康啲，呢排食得太多野，都係盡量少糖好啲，雖然我鍾意燕麥奶多啲～用杏仁奶沖嘅咖啡，唔會有個陣好難頂嘅杏仁味，反而會提升咗杯咖啡原有嘅香氣！下次大家不妨都試吓！
難得放長假期又早咗起身，所以好神心咁又沖咗杯Oat Cappuccino，擺晒位影晒相咁，咁咪就係放假嘅生活囉😉
立即Follow我的Instagram @mrswongskitchen
Search